Malittarisassat

§1	Peqatigiiffiup aqqa / Sumiiffia
	Maniitsup tusaataa Akisuasoq Ilutassua 08 3912 Maniitsoq Kalaallit Nunaat

§2	Peqatigiiffiup pilersinneqarfia
	"Maniitsup tusaataa Akisuasoq" peqatigiiffittut pilersinneqarpoq, qaammat September 1996

§3	Peqatigiiffiup siunertaa
	Peqatigiiffiup siunertaraa kommune-mi innuttaasunut piorsarsimassutsikkut qaammarsaaneq, oqallinnermik pilersitsineq, tusagassaqartitsineq kiisalu aliikkutassaqartitsineq. Peqatigiiffik sumulluunniit politikkikkut attaveqanngilaq. Peqatigiiffik imminut pigisuuvoq.

§4

Peqatigiiffimmut ilaasortaaneq

Kikkulluunniit peqatigiiffiup malittarisassaanik siunertaanillu akuersisut aammalu maleruaarusuttut ilaasortanngorsinnaapput.
Kinaluunnit §3. immikkoortoq 1, malillugu ilaasortanngortikkumaneqanngitsoq, ataatsimeersuarnermi ilaasortanngorniarnini misilissinnaavaa, amerlanerussuteqartullu akuersippata ataatsimeersuarfiusoq aallartiffigalugu ilaasortaaneq atuutilissaaq.
Kinaluunniit peqatigiiffiup maleruagassaanik unioqqutitsisoq peqatigiiffimmit peersinneqarsinnaavoq.
Peersitaaneq misilissinnaavoq intsimmi §3 immikkoortoq 2-mi pissuserisaasut malillugit.
Ilaasortaaneq anguneqassaaq piffissami atuuttumi akiliut akilerneqarpat.
Imatut ilaasortanngortoqarsinnaavoq :
A) Inuit ataasiakkaat
B) Suliffeqarfiit mikinerusut, peqatigiiffiit aammalu paaqqinnittarfiit, atuarfiit assigisaalu.
C) Suliffeqarfiit anginerusut.

Ilaasortaanermut akiliut :
A)

	Ukiup affaanut		75 kr.
	Ukioq naallugu		150 kr.

B) Utoqqalinersiuteqartut, sulisinnaajunnaarnersiuteqartullu :

	Ukiup affaanut		50 kr.
	Ukioq naallugu		75 kr.

C) Peqatigiiffiit suulluunniit :

Ukioq naallugu

500 kr.

D) Suliffeqarfiit minnerusut, annerusullu :

Ukioq naallugu

1.000 kr.

E) Ilaasortaanermut akiliut utertinneqarsinnaanngilaq.

F) Ilaasortaanermut akiliutip angissusissaa ileqquusumik ataatsimeersuarnermi aaliangerneqartassaaq.

G) Ilaasortaahunnaarneq allakkatigut nalunaarutigneqartassaaq peqatigiiffiup najugaanut, kiisalu ukiup affaanut minnerpaamik annerpaamik ukioq ilivitsoq akiligassaqaraanni toqqaannartumik ilaasortaaneq atorunnaartarpoq.

H) Ilaasortat kisimik makkua piginnaatitaaffigaat :

Aallakaatitassiornermi akuersissutaasut iluani.
Unamminermi, bingo-nermi assigisaanilu peqataaneq.
Aaqqissuussani ilaasortaanermut tunngatillugu peqataasinnaaneq.

§5	Pituttorsimaneq
	Peqatigiiffiup ilaasortai, siulersuisuiluunniit pituttorsimanngillat peqatigiiffiup pisussaatitaaffiinut.

§6	Peqatigiiffiup naatsorsuiffigaa
	Naatsorsuiffiuvoq 1. Januar - 31. December, ukimoortumik.

§7

Ataatsimeersuarneq

Ileqquusumik ataatsimeersuarneq pisassaaq qaammat Marts, naatinnagu.
Ileqquusumik ataatsimeersuarneq, peqatigiiffimmi oqartussat annersaraat.
Ukimoortumik ataatsimeersuarnissaq peqatigiiffimmi ilaasortanut nalunaarutigineqassaaq sapaatit akunneri pingasut ataatsimeersuarnissaq sioqqullugu.
Ataatsimeersuarnermi oqaluuserisassatut siunnersuutit siulersuisunut allanngorlugit tunniunneqartassapput ataatsimeersuarnissaq sapaatip akunnera ataaseq sioqqullugu.

Taasineq :

-	Ilaasortaq ilaasortaanermut akiliuteqarsinnaappat aatsaat ileqquusumik ataatsimeersuarnermi taaseqataasinnaavoq.
-	Ataatsimeersuarnermi peqataasinnaanngikkaanni taasinermi piginnaatitsissummik tunniussisoqarsinnaavoq §6.5.a malillugu malittarisassanik naammassinnissimagaanni.

Ileqquusumik ataatsimeersuarnermi oqaluuserisassat :

A)	Tikilluaqqusineq.
B)	Aqutsisussamik toqqaaneq.
C)	Oqaluuserisassat akueritinneri.
D)	Siulittaasup nalunaarutaa.
E)	Naatsorsuutit saqqummiunneqarnerat.
F)	Oqaluuserisassatut siunnersuutit oqaluuserineqarneri.
G)	Ilaasortaanermut akiliutip aaliangiivigineqarneri.
H)	Siulersuisunik qinersineq : Siulittaasoq, siulersuisunut ilaasortat pingasut, sinniisussallu marluk. (Kingusinnerusukkut sulisut namminneq sinniisussartik toqqassavaat.) Kommunal Bestyrelse-p namminneq ilaasortaatitassartik toqqassavaat, toqqagassarlu qinigaaffiup iluani ilaasortaassaaq.

Kukkunersiuisussamik toqqaaneq.
Tamalaat.

§8

Siulersuisut

Siulersuisunut qinagassanngortinneqarsinnaapput taamaallaat aallakaatitsiviusartup iluani najugallit.
Siulersunut ilaasortaq suliffeqarfimmut assingusumik sulisitsisunut imaluunniit siulersunut ilaasortaassanngilaq.
Siulersunut ilaasortat Maniitsup Tusaataani aningaasarsiaqarlutik sulisussaanngillat.
Sulisut siulersuisuni sinniisuutitaqassapput taasisinnaatitaasumik.
Siulersuisut aaliangiisinnaassuseqarput minnerpaamik ilaasortat pingasut najuuppata.
Siulersunmut suliassanut aaliangersimasunut naammassiniaanerminni ataatsimiititalianik pilersitsisinnaapput, aammalu siulersusut ilaasortanik avataaneersunik tapertaqarsinnaallutik.
Ulluinnarni ingerlatsisoq siulersuisut ataatsimiinneranni peqataasassaaq.
Siulersusut ulluinnarni aqutsinermi akisussaasuupput ulluinnarni aqutsisoq peqatigalugu.
Siulersuisut ulluinnarni ingerlatsinermi maleruagassiortassapput.

§9	Immikkut ittumik ataatsimeersuarneq
	Ikinnerpaamik ilaasortat 2/3-sa sinnerlugilluunniit atsioqatigiinnerisigut immikkut ittumik ataatsimeersuartoqarsinnaavoq. Immikkut ittumik ataatsimeersuarnermi peqatigiiffiup inatsisai allanngortinneqarsinnaanngillat. Immikkut ittumik ataatsimeersuarnissaq ilaasortanut nalunaarutigineqartassaaq : Sapaatit akunneri marluk sioqqullugit.

§10	Peqatigiiffiup atorunnaarsinnera
	Peqatigiiffik atorunnaarsinneqassappat aatsaat pisinnaavoq ataatsimeersuarnermi marlunni tulleriinni, aammalu najuuttut 3/4-sa akuerippassuk. Ilaasortat minnerpaamik ukioq ataaseq ilaasortaasimasut atorunnaarsitsinermi kisimik taaseqataasinnaapput.

§11	Bingo`rtitsineq
	Maniitsup tusaataa Akisuasoq-p Bingo`rtitsinermi aqutseriaasia politik-ikkut qulangersimaneqassanngilaq.

§12	Malittarisassat atuutilerffiat
	Malittarisassat uku atuutilersinneqarput allannguutaat ilanngullugit, Ileqquusumik ataatsimeersuarnermi ulloq : __________ / _________ - 1999

Siulittaasoq Elias Lyberth	Siulittaasup tullia Anthon Kreutzmann Komm.best. ilaasortaq
Allatsi Magda nielsen	Siulersuisunut ilaasortaq Peter frederik Bech
Siulersusunut ilaasortaq David Heilmann	Sulisut sinniisaat Peter Levisen

E-mail adresse : [email protected]